கிரெடிட் கார்ட்:
இன்றைய நவீன காலகட்டத்தில் கிரெடிட் கார்ட் நிறைய பேருக்கு மிகவும் பயனுள்ளதாக இருக்கிறது. அதனை சரியான முறையில் பயன்படுத்த வேண்டும். இல்லையென்றால், உங்கள் கிரெடிட் ஸ்கோர் பலத்த அடி வாங்கும். மேலும், வட்டி விகிதங்களும் உயரும். எனவே, கிரெடிட் கார்ட் பயன்படுத்தும் போது, நாம் செய்யும் பொதுவான தவறுகளை தவிர்க்க தேவையான வழிகாட்டு நெறிமுறைகளை பற்றி நாம் இந்த பதிவின் மூலம் பார்க்கலாம்.
மேலும் படிக்க…உங்கள் பணத்தை சேமிக்க ஸ்மார்ட் 10 ஐடியா ரெடி..? மிஸ் பண்ணிடாதீங்கோ..!
பணம் செலுத்துதல் முறை:
கிரெடிட் கார்டு பயன்படுத்தும் போது கடன்களை சரியான நேரத்தில் செலுத்துவது மிகவும் முக்கியமானது. நிறையப் பேர், பணம் முழுவதையும் செலுத்தாமல் குறைந்தபட்ச இருப்புத் தொகையை மட்டுமே செலுத்துகிறார்கள். இது, உங்கள் வட்டி விகிதங்களை உயர்த்தவும், கிரெடிட் ஸ்கோரை மோசமடையவும் செய்யும்.
கடன் பயன்பாடு:
நீங்கள் பயன்படுத்தும் கிரெடிட்டின் சதவீதம், குறைவாக வைத்திருப்பது சிறந்தது. மேலும், கிரெடிட் கார்டு பில்லை சரியான நேரத்தில் செலுத்துவது அவசியம். தொகைகை குறைப்பது அல்லது தாமதப்படுத்துவது உங்கள் கிரெடிட் ஸ்கோரை கடுமையாக பாதிக்கும்.
ஆடம்பர செலவுகளுக்கு கிரெடிட் கார்ட்:
நீங்கள் ஏற்கனவே கிரெடிட் கார்ட் பயன்பாட்டில் கடனில் இருக்கும் போது, ஆடம்பர செலவுகளுக்கு உங்கள் கிரெடிட் கார்டை தொடர்ந்து பயன்படுத்துவதை தவிர்க்க வேண்டும். இல்லையென்றால், நாட்கள் செல்ல செல்ல நம்முடைய கடனும், வட்டி விகிதமும் அதிகரித்து, கிரெடிட் ஸ்கோரை கடுமையாக பாதிக்கும். இதனால் முதலில் கடனை அடைப்பதை பற்றி முடிவு செய்யுங்கள்.
கடன் மதிப்பெண்களின் முக்கியத்துவம்:
கிரெடிட் கார்ட் என்பது கடனை சரியான நேரத்தில் திருப்பிச் செலுத்துவதற்கான சாத்தியம் உள்ளது. கடன் வழங்குபவர்கள், கிரெடிட் கார்டு வழங்குபவர்கள் மற்றும் நில உரிமையாளர்கள் உங்களுக்கு கடன் கொடுப்பது அல்லது வியாபாரம் செய்வது போன்ற அபாயத்தை மதிப்பிடுவதற்கு கிரெடிட் கார்ட் பயன்படுத்துகின்றனர்.
கடன்களை சரியான நேரத்தில் செலுத்துவது:
உங்கள் கிரெடிட் கடனை அதிக பொறுப்புடன் நிர்வகிப்பது, உங்கள் கிரெடிட் ஸ்கோரை மேம்படுத்த உதவும். கடன்களை தாமதமாக கட்டுவதால் அபராதம் விதிக்கப்படும். மேலும், கிரெட் ஸ்கோர் குறையும். ஒருவேளை உடனடியாக பணத்தை திருப்தி செலுத்த முடியமால் இருக்கும் பட்சத்தில், உங்கள் கிரெட் கார்டு வங்கியை தொடர்பு கொள்ளுங்கள். உடனடியாக, பட்ஜெட்டிற்கு ஏற்ற முறையில், கட்டணத்தை செலுத்துவதற்கான வழிமுறை கிடைக்கும்.
கிரெடிட் கார்ட் ஸ்டேட்மெண்ட்களை சரிபாருங்கள்:
பிழைகள், நம்பர் திருட்டு அல்லது மோசடி நடவடிக்கைகளைக் கண்டறிய உங்கள் கிரெடிட் ஸ்கோரை தொடர்ந்து கண்காணிப்பது அவசியம். மேலும், உங்கள் வட்டி விகிதங்கள் மற்றும் கட்டணம் குறித்து சரிபார்ப்பது முக்கியம். இதனால் மிக விரைவில் உங்கள் கடனை அடைக்க முடியும்.
ஆலோசகரை தொடர்பு கொள்ளவும்:
உங்களால் கிரெடிட் கார்ட் கடனை நிர்வகிப்பதில் சிரமமாக இருந்தால், கிரெடிட் ஆலோசகர் உதவியை நாடுங்கள். அவர் உங்களுக்கு தேவையான ஆலோசனைகளை வழங்குவார்.
உங்கள் கிரெடிட் ஸ்கோரை மேம்படுத்தும் வழிமுறைகள்:
உங்களிடம் குறைந்த கிரெடிட் ஸ்கோர் இருந்தால், கவலைப்பட வேண்டாம். காலப்போக்கில் அதை மேம்படுத்த நீங்கள் நடவடிக்கை எடுக்கலாம்.
சரியான நேரத்தில் மற்றும் முழுமையாக பில்களை செலுத்துங்கள்.
கிரெடிட் கார்டு நிலுவைகளைக் குறைத்து, குறைந்த கடன் பயன்பாட்டு விகிதத்தை பராமரிக்கவும்.
குறுகிய காலத்தில் பல புதிய கடன் கணக்குகளைத் திறப்பதைத் தவிர்க்கவும்.
மேலும் படிக்க….Budgeting Tips: உங்கள் பணத்தை சேமிக்க எளிய 8 பட்ஜெட் வழிமுறைகள் இதோ..!!